點解叫Stitch Positive?

又係時候長篇大論...
點解我會叫呢個樂園做Stitch Positive呢?
呢度所有所有野都係關Stitch事，同只係關Stitch事.
好耐之前有講過Stitch其實係象徵一d俾人忽視同誤解嘅人,
雖然有善良溫暖嘅心, 但係因為小接觸其他人, 唔係好識得同人相處...
只要你用真誠用佢溝通, 佢會想你展示到意料之外嘅熱情, 係非常忠誠有義氣嘅朋友, 對你不離不棄!

最初Stitch經常被人誤解, 因為佢一出世就得一個人, 而且身邊人都唔鍾意佢...
佢好渴望有家人, 有朋友, 覺得好無奈好傷心...
而另一方面Lilo雖然有家姐, 但係家姐要做野, 父母又o係車禍去世, 朋友又排斥佢...

但係Stitch無放棄自己...最後佢勇於面對一切, 係危難嘅時候向Lilo展示友情同關心,
結果成日覺得自己孤單一個人嘅 Lilo 同Stitch 終於搵到一個可以互相依靠嘅真朋摯友^^

雖然大家都可能有好差嘅經歷, 又可能無父母家人或者朋友關懷,
但係只要你仍然保有o個份赤子之心, 
你一定會搵到欣賞同可以全心依靠嘅人^^

所以要學Stitch, Be Positive!