史迪仔 Stitch スティッチ
-Stitch Positive*-
史迪仔珍藏及產品動向盡在Stitch Positive*
(c) Christineyan
嘩嘩嘩嘩~~呢隻可愛無辜眼神ge Stitch終於都到左喇~~佢仲好鬼高!!! 差唔多30吋, 70幾cm~~去到我大脾~~
高過所有所有figure好多!!!
係日本出d 大figure ge兩倍!!!
佢副眼鏡仲可以帶上去架~~
不過我鍾意佢無辜眼神個樣多d~~
今次真係危險重重呀~~USPS又唔運, 結果要揾Fedex呀~~
運費好貴,失曬預算~~
佢個箱仲好大好大呀~~ 好重tim~~
今次真係要多謝高川同Gloria幫我手, 又借地址俾我, 又幫我call車抬落樓~~
之後要搬返上樓, 個段路唔長,不過都搬到我死死下, 又抬又拉先上到屋企....
依家已經儲左12隻大figure la~~一隻未送到,加埋有13隻~~
仲有倒數2隻大figure咋~~
滑浪依家係日本運緊過黎~~所以唔計啦~~
聖誕節o個3隻又唔計啦~~
淨低有一隻係終極揸槍大figure,另一隻係睇書鴨仔~ 睇書個隻我仲未揾到呀~~
而楂槍個隻我就未夠錢買~~
依家真係要停下喇....無錢再買...
唯有寄望11月個陣我可以東山再起啦~~事關生日呀嘛哈哈~~
P.S. 因為我個人有完美主義傾向, 一係就唔儲, 一儲就成個collection咁儲,
怪癖黎架...完全無考慮過間房會好逼, 依家係頂硬上咋-v-
Hi, 隻stitch真係好靚呀~ 我都想買一隻呀, 請問呢隻大約幾錢? 同埋邊度可以訂d大 stitch figure 架? 唔該您~
回覆刪除[版主回覆08/28/2010 00:56:00]呢隻figure好好好貴呀~原本都要6400港幣未計運費~~
我有個朋友放緊d大figure, 你private俾你個聯絡方法我丫~~
中環旗艦店 高川同Gloria有賣部份大figure~
新之城2樓有兩隻大figure賣緊~
市面見到ge大figure價錢大約3000蚊港幣~
如果你想搵d罕有ge大figure, 我可以幫你留意同訂返黎~不過要等同埋比較貴~~
唔知你心目中有邊隻大figure想要呢?
你可以睇下我Stitch Big Figures入面d figure, 基本上出左ge 大figure大部份我都有架~~
Chrisitne, no thanks la, 你下次再要幫手或者有D好野就話我知啦 ^^
回覆刪除[版主回覆08/31/2010 16:26:00]嘻嘻~~我有好野當然會話俾你聽啦~~~