整鬼佢！ 我又手痕去搜刮史迪仔，點知真係俾我搵到，
日本人，超多罕有Stitch! 咩都有，仲要一款買左幾隻黎儲。
我覺得係，我接受收藏家係可以對自己ge收藏品買ge地方保密，
叫做唔好曬左自己搵隻野ge心機，又唔使同人爭。
但係同一款野要買幾隻去滿足自己，搞到人地又買唔到咁樣做係自私！
咁樣根本唔係鍾意史迪仔。
史迪仔究竟係講咩？係講Aloha, Ohana。
咩叫Aloha? 係唔會計較去幫人，唔會自私！
佢咁樣買法，完全違背左史迪仔ge意義，係咪全世界得佢一個有，咁樣為之勁？
如果係認為自己鍾意史迪仔，請尊重史迪仔精神！要分享！
史迪仔唔係得個樣，史迪仔係講內涵，唔好要靠佢令到自己覺得至高無上。
我好鍾意同人講史迪仔，我都唔介意話俾人聽我d野係邊買，買幾錢，
邊度仲有貨。
因為我已經買左喇，我唔再需要同人爭，又或者俾人抬高價錢。
大家一齊買到唔係會更家開心咩？
大家都係鍾意史迪仔，史迪仔對我黎講唔係一件商品，
唔係愛黎賺錢或者滿足虛榮。
最緊要係自己去實踐妮露同史迪仔教ge野，
如果做唔到，甚或是背道而馳，史迪仔唔會鍾意你架，
佢會好似開頭鄙視Gantu同Hamsterwheel咁鄙視你！
要跟隨Stitch或者做Hamsterwheel二世悉隨尊便，如果係都要做自私ge人，
Stitch只會同你講：你不配！
好傷心見到鍾意史迪仔ge人會咁自私，仲唔只一個，
又唔係做生意，點解要咁！
希望有歪念ge人諗清楚史迪仔係咩！
我今日同Gloria同高川講左好多史迪仔ge野，好開心，有碗話碗，有碟話碟，
大家一齊傾先係最開心
This is what Aloha all about!
今日出完尖沙咀，返黎見完你篇文章，有少少身同感受。
回覆刪除我雖然出身係一個低下階層家庭，有好多時見到自己鍾意的東西／產品都係得個睇字。
因為自己暫時冇呢個能力去買，只可以用「睇」黎滿足自己。
我其實都睇得出你對史迪仔的鍾情…
但始終人人唔同，有D人始終會覺得錢會比其他野緊要。
無需要理會佢地，相信自己，請努力下去分享更多東西給身邊的人吧=]
[版主回覆06/18/2010 05:25:00]我今年21歲，由屋企係小康之家到97事件, 租ge地方1家4口100尺都無，都試過。屋企人從來唔俾零用錢，最多係中3開始1個禮拜有100蚊食飯錢。 所以物質呢d野對我黎講可以話係從來都無，亦都無追求過。 到中五自己走出黎做part time，因為我好少使錢，未到中7已經儲左差唔多兩萬。 最後我中7開始攞曬黎買史迪仔。 到左今日，我都係做part time搵錢買史迪仔。 人地鍾意買名牌，買衫買鞋，買股票，我用曬黎買史迪仔。 你講得o岩~個個人追求ge野都唔同~ 我一直到依家都係但求有個地方夠用，溫暖ge屋企就好心滿意足，Stitch係我幫我將來屋企準備ge野，都算係luxury架，但係Stitch係代表Ohana嘛~Ohana對我黎講好重要，因為97, 令我某d屋企人改變左好多，變得冷漠，下下講錢。我期望將來我同Stitch一齊去經營一個溫暖ge家~哈哈~